• • Edda byrjaði á því að vakna of seint á brottfarardegi.
  • Tékkuðum okkur inn og bókuðum töskurnar alla leið til Valencia
  • Sváfum báðar alla leiðina til Parísar en Elínu tókst að kasta matarbakkanum upp í loft í svefni og allt skvettist út um allt.
  • Edda gleymdi sléttujárninu heima en fattaði það á leiðinni og mamma hennar kom því til flugfreyju sem var um borð svo því var reddað :)
  • En þegar við stóðum upp úr sætunum og vorum á leiðinni út föttuðum við að Edda gleymdi því í sætinu en það lukkaðist :)
  • Þá vorum við mættar á flóknasta flugvöll í heimi (Charles de Gaulle) í París.
  • Að lokum tókst okkur þá að finna innritunarborðið en neyddumst þá til að tékka inn tösku sem við höfðum verið með í handfarangri því hún þótti of stór.
  • Flugferðin frá París til Valencia gekk bara vel.
  • Við lentum í ágætis veðri og þá var bara að bíða eftir töskunum.
  • Þessi eina sem við höfðum tékkað inn í París (sem var btw ekki með neinu í nema tveimur bókum) kom en ekki hinar!!! Svo þarna stóðum við alls lausar og enginn sagðist geta gert neitt því við höfðum bara komið með þessu flugi sem farþegar með engan farangur.
  • Maður í bleikum gallabuxum og gallajakka (smart) tók á móti okkur og keyrði okkur á "glæsikerrunni" sinni til "fjölskyldunnar".
  • Huge, útspreyjuð blokk í þýskum anda tók á móti okkur og þá byrjuðu nú tárin að fossa hjá minni manneskjunni.
  • Á móti okkur tók pínulítil og hokin gömul kona sem talaði ekki orð í ensku. Kunnum við engin nánari deili á þessari konu.
  • Maðurinn útskýrði fyrir okkur að konan sem er húsráðandi hér væri á leiðinni svo við bara biðum.
  • Nú svo kom hún: rúmlega fimmtug, í fatla, með heftaða öxl og bringu og öll marin! :O ekki beint upplífgandi.
  • Að auki talar hún ekki orð í ensku og við ekki orð í spænsku sem setur okkur í ákveðin vandræði!
  • Hún gerðist nú svo indæl að lána okkur náttföt. Elín fékk bómullarbuxur og jakka (rauðrósótt btw) og Edda fékk fjólubláar stuttbuxur og rauðan silkikjól sem nær rétt niður fyrir rass.
  • Í þessu borðuðum við okkar fyrstu hrísgrjónamáltíð - hrísgrjón í soðinu. Með fylgdi baguette og Mozarella ostur, ólívur og ýmislegt furðulegt.´
  • Matarlystin var nú ekki beint uppá marga fiska eftir öll ósköpin svo við fórum fljótlega upp í rúm og spjölluðum í nokkra stund með dynjandi tónlist gatna ghettosins í eyrunum.
  • Ætluðum að bjarga deginum með því að leggjast upp í rúm og horfa á e-ð af því gúmmolaði sem Geiri setti inní fartölvuna but nooo - ekkert rafmagn takk! Það virðast vera e-rjar spes ghetto innstungur hérna eða e-ð! Svo tölvan batteríslaus takk fyrir bless.
  • Loksins sofnuðum við eftir miklar áhyggjur og vangaveltur.
  • Vorum svo vaktar í morgun kl. átta af fröken heftuðu og við boðaðar í morgunmat hérna frammi (þessi íbúð ef íbúð skildi kalla er btw mjööög vafasöm - það er t.d. ekkert eldhús heldur e-r furðulegur gangur sem þær nota sem eldunaraðstöðu).
  • Morgunmaturinn var í sem fæstum orðum vondur.
  • Tilraun til að losa okkur við óbragðið í munninum heppnaðist ekki þar sem ekkert tannkrem virðist vera til á heimilinu.
  • Þá gengum við með konunni (Rosu) út í mall sem er hérna í tuttugu mínútna göngufjarlægð.
  • Þar gátum við keypt það helsta sem okkur vantaði eins og nærbuxur, sokka, tannbursta og tannkrem, örfáar flíkur og síðast en ekki síst SÍMKORT. Elín er komin með sitt í símann og númerið er (0034-693252225) - Edda er þó enn með þetta íslenska því ferðatöskukonan þarf að ná í það númer.
  • Eftir mikla göngu og viðkomu í búð til að kaupa vatn, ávexti og fleira komum við aftur á heimilið - eða það sem við kjósum að kalla ghettoið/holuna.
  • Þá var hringt frá skólanum (sem við mættum btw ekki í í morgun sökum fataleysis og almenns vonleysis).
  • Og okkur tilkynnt að við ættum að mæta í skólann kl. þrjú - æddum með Rosu útí sjoppu til að kaupa strætókort.
  • Þá tók við hrísgrjónamáltíð nr. 2 - hrísgrjón með grænum baunum og skinkukubbum.
  • Svo eftir laaaanga strætóferð og göngu fundum við loksins skólann.
  • Á upplýsingaborðinum hittum við Íslending og það var eins og við hefðum fundið Jesú sjálfan!
  • Kona hjá skólanum sýndi okkur stofuna okkar - sem er vægast sagt í minni kantinum.
  • Þar sátum við tvær einar í fjóra klukkutíma og þetta er svo sannarlega engin spænska fyrir byrjendur!
  • Eftir þetta skoðuðum við okkur um á háskólasvæðinu (sem við flytjum á eftir tvær vikur í helvíti) og það er viiirkilega huggulegt :)
  • Pálmatré, grænar flatir, strandblakvöllur, íþróttasvæði, sundlaug, veitingastaðir og allt bara voðalega vinalegt!
  • Og það sem meira er ÞRÁÐLAUST NET útum allt! Við sáum stjörnur...
  • Nú þá tók við hrísgrjónamáltíð nr. 3 í boði skólans - "welcoming dinner". Í þetta skiptið með rækjum.
  • Við báðar grenjandi komum okkur inní strætó til að komast sem allra fyrst lifandi heim í holu (sem er í þessu tilviki ekkert kósý eða góð).
  • Grenjuðum alla leiðina í strætónum og mest þegar út var komið því við vissum ekkert hvar við vorum og umhverfið virkilega óheillandi.
  • En þá keyrði leigubíll framhjá sem við hoppuðum uppí og hann setti upp lesgleraugun og bjargaði okkur heim :)
  • Báðar útgrátnar, í fötunum síðan í gær og mettar af hrísgrjónum í bili vonuðumst til að Rosa gæti hjálpað okkur að hlaða tölvuna því okkur hefur dreymt um að geta dreift huganum yfir e-u broslegu.
  • En viti menn! Á hún ekki grænt millistykki blessunin sem við gátum notað til að hlaða nýju uppáhaldsvinkonu okkar.
  • Ég spurði nú bara svona meira í gamni en alvöru hvort hún væri með internet ... þá kom e-r runa á spænsku en í henni leyndist orðið "wifi" sem við náttúrulega gripum á lofti - Jose (sem við vitum ekkert hver er) birtist í herberginu og allt kinkaði e-ð kolli og vitum við ekki fyrr en við erum komnar inná mbl!
  • Já krakkar mínir kraftaverkin gerast enn! Hér sitjum við alsælar í kompunni en með NETIÐ!!! :D Við ætlum því aðeins að bíða með að hoppa út um gluggann.
  • Þetta er orðin hin ágætasta upptalning en er örugglega ekki allt komið!
  • Söknum ykkar allra mikið.
  • Sérstakar kveðjur til Árna sem er búinn að þurfa að þola mikinn grát og staðið sig eins og hetja í huggun og upppeppingum! ;***

  
  

• Hrísgrjónakveðjur úr Valensíska ghettoinu!
  Bloggum aftur við fyrsta tækifæri ... ef við verðum á lífi! :P

• Edda og Elín á beddanum

ps. myndir koma vonandi við fyrsta tækifæri ef/þegar við fáum farangurinn :) - allar snúrur og slíkt eru í töskunum!